Siglir tar il cuntegn

Header

cuntegn

Engiadina Engiadin’Ota di gea a la plazza aviatica Samedan

Il suveran da l‘Engiadin’Ota ha ditg cler gea ad in credit dad 8,5 milliuns francs per la sanaziun da la plazza aviatica a Samedan. Cun quai è la via libra per realisar il project che custa 22 milliuns francs.

Dapli che 82% da las votantas e votants da l‘Engiadin’Ota han ditg gea al project sanaziun plazza aviatica a Samedan. Sper il credit da 8,5 milliuns francs surpiglian las vischnancas da l‘Engiadin’Ota er la garanzia per in chapital ester da 9,5 milliuns francs.

Divers midaments da l'infrastructura

audio
Gian Duri Ratti plazza aviatica Samedan
ord Novitads dals 26.03.2017.
laschar ir. Durada: 2 minutas 16 Secundas.

Ils 22 milliuns vegnan investì tranter auter en il Tower, la segirezza da sgol per atterrar e sgular davent u er la separaziun tranter eroplans e helicopters. Igl è previs da cumenzar cun las lavurs il 2019. Il 2022 duess la sanaziun plazza aviatica da Samedan esser a fin.

Artitgels legids il pli savens