Siglir tar il cuntegn

Header

cuntegn

Engiadina Bova pli gronda en Bregaglia

Ils 11 da settember è sa distatgada ina part dal Piz Cengalo. Tenor l’Uffizi da privels da la natira dal Grischun n’exista nagin privel per umans ed edifizis. La situaziun na saja era betg alarmanta.

Tenor il responsabel da l’Uffizi da privels da la natira, Martin Keiser, sa tracti da passa 50’000 meters cubics ch'èn vegnids cun la bova a val. Tenor el n’exista nagin privel. Las mesiras tratgas fin qua bastian.

Ruttadira sin il Cengalo
Legenda: Ruttadira sin il Cengalo Passa 50’000 meters cubics èn partì qua a val. Uffizi da privels da la natira

Gia il december da l’onn passà hai dà en il medem lieu sin il Piz Cengalo bovas pli grondas. L'ultima giada èn ids passa 2 milliuns meters cubics crappa vegnids a val. Sin quai aveva l’Uffizi da privels da la natira prendì pliras mesiras. La davosa bova era la pli gronda da quest onn dentant aveva l’uffizi spetgà sumegliants schabetgs. Era en l'avegnir è da far quint cun bovas e perquai resta il Piz Cengalo vinavant sut observaziun, ha ditg Keiser envers RTR.

RR novitads 20:00

Artitgels legids il pli savens