Per il futur da Silvaplauna sa giavischa Claudia Troncana anc in fin dus hotels. Quai fiss bun per la vischnanca, ella saja numnadamain persvadida, che l'Engiadin'Ota stoppia metter sin la carta turissem. Tut ils secturs da giasts ston sa pudair chattar bain a Silvaplauna.
Sconfittas e success politics
Claudia Troncana sa legra uss surtut sin dapli temp liber. Temp da far quai ch'ella fa gugent, d'ir en viadi senza savair cura puspè turnar e da far urden en chasa cun tut quai ch'è resta salda durant il temp intensiv sco presidenta communala.
Sch'ella mira enavos sin ses temp d’uffizi saja
- la sconfitta la pli gronda quella da la lescha per impostas sin segundas abitaziuns, che la populaziun ha puspè abolì.
- Sco pli grond success numna ella il sviament. Quest vegn inaugurà l'onn 2018.