Chantun - Regenza ha approvà il plan d'areal Vial-Tuleu
La regenza grischuna approvescha trais planisaziuns communalas. Ina giada il plan d'areal Vial-Tuleu a Domat. Quel regla l'avertura dal nov areal d'industria sin il territori da l'anteriura resgia gronda.
In segund project communal è la planisaziun locala che la vischnanca da Tumleastga ha concludì. Quella tschenta la basa per engrondir l'albiert existent Sternahus a Veulden.
Il terz project è la revisiun totala da la planisaziun locala ch'era vegnida concludida da l'anteriura vischnanca da Beiva. Questa revisiun permetta d'engrondir l'indriz d'ennavar existent en il territori da skis da Beiva.