Siglir tar il cuntegn

Header

cuntegn

Chantun PBD senza Kollegger

Il deputà da Cuira Andy Kollegger na candidescha betg per las elecziuns naziunalas da l'atun. El desistia per motivs persunals, trais candidaturas en roda sajan avunda, ha Andy Kollegger argumentà vers RTR.

Duri Campell il pli enconuschent

Il pli enconuschent dals 5 candidats da la Partida burgais-democratica è Duri Campell. Il pur da S-chanf è actualmain president dal Cussegl grond ed aveva annunzià sia candidatura gia l'entschatta mars.

Plinavant stattan a disposiziun il president da la Partida burgais-democratica Andreas Felix da Haldenstein, Elisabeth Mani-Heldstab da Tavau, Daniel Buchli da Stussavgia ed Urs Hardegger da Seewis.

5 candidats e blers temas politics

Urs Hardegger, Duri Campell, Elisabeth Mani-Heldstab, Andreas Felix, Daniel Buchli.
Legenda: Ils candidats da san.: Urs Hardegger, Duri Campell, Elisabeth Mani-Heldstab, Andreas Felix, Daniel Buchli. mad

Ils 5 candidats persvadian surtut cun lur variaziun, di Gian Michael, il schef da fracziun e manader dal cumbat electoral da la PBD Grischuna: Da la politica da sanadad sur il forestal esser, l'agricultura enfin ils mastergnants haja mintga candidat ses champ spezial. La finamira da la PBD è cleramain da defender il sez da Hansjörg Hassler en il

Cussegl naziunal.

La nominaziun uffiziala ed era tge candidat che figurescha sin tge plaz da la glista, gliez decida la radunanza da delegads da la PBD ils 16 d'avrigl. Plinavant preschentia la PBD giuvna si'atgna glista uschia Gian Michael vinavant.

audio
Bunura: Elecziuns 2015 - PBD grischuna ha 5 candidats
ord Actualitad dals 11.04.2015.
laschar ir. Durada: 2 minutas 46 Secundas.

RR novitads 20:00/11:00

Artitgels legids il pli savens