Siglir tar il cuntegn

Header

video
Dapli paja per mussadras da scolina
Or da Telesguard dals 27.09.2017.
laschar ir. Durada: 2 minutas 38 Secundas.
cuntegn

Chantun Las mussadras da scolina gudognan memia pauc

L’Uniun da la magistraglia grischuna (LEGR) ha inoltrà in plant a la Dretgira administrava perquai che mussadras da scolina gudognan memia pauc en cumparegliaziun cun professiuns sumegliantas.

audio
Saira: Mussadras da scolina fan plant
ord Actualitad dals 25.09.2017.
laschar ir. Durada: 2 minutas 32 Secundas.

Il plant sa drizza exemplaricamain cunter trais vischnanca, tuttina na vul l’uniun betg attatgar direct las vischnancas dentant la tabella chantunala da las pajas minimalas per scolastas e scolasts, scriva l’Uniun da la magistraglia grischuna (LEGR).

Gronda responsabladad ma memia bassa paja

Malgrà in studi da bachelor haja ina mussadra en il Grischun ina paja d'entrada da sulettamain 60’000 francs ad onn. Tuttina haja ella da surpigliar a partir dal emprim di d’instrucziun l’entira responsabladad. Era sajan ils pensums s’augmentads ils ultims onns, scriva la LEGR.

En auters chantuns pli autas pajas

En plirs auters chantuns era vegni inoltrà cun success plants cunter las pajas da las mussadras da scolina. Sinaquai avevan plirs chantuns adattà las pajas, ma betg il Grischun. Las pajas en il Grischun sajan per lunsch ora las bassas en l’entira Svizra, scriva la LEGR.

RR novitads 10:00

Artitgels legids il pli savens