Siglir tar il cuntegn

Header

cuntegn

Chantun La penditura – 10 pendicularas en 5 dis: il facit

Pendicularas en regiuns enconuschentas sco l’Engiadina, la Surselva ed il Grischun Central han noss redacturs Fabia Caduff ed Ursin Lechmann visità. Dentant era talas ch’èn main enconuschentas sco a Fanas u Malans. Mintga pendicularas ha persvadì e surprendì, mintgina sin sia atgna moda.

Uschè grond sco il chantun Grischun è, uschè gronda è era la variaziun tar las pendicularas. Mintgina da las 10 pendicularas che nus vain visità, ha purschì insatge spezial ni ina surpraisa; davent da pendicularas che fan stortas fin talas ch’ins sto clamar per telefon.

Ins po ir mintga di cun differentas pendicularas, ma i na vegn mai lungurus. Mintga pendiculara e mintga lieu èn auters e bels sin lur moda.
Autur: Ursin Lechmann reporter RTR

Natiralmain èn durant la stad bler pli paucas pendicularas en acziun che durant l'enviern. Ma tuttina porschan tut las destinaziuns era durant la stad diversas variantas per vegnir pli datiers dals culms.

audio
Penditura: Bilantscha dal di e da l'emna
ord Actualitad dals 29.07.2016.
laschar ir. Durada: 6 minutas 5 Secundas.

Crudà en egl tar las 10 pendicularas che nus avain visità durant quest’emna è la variaziun. Nagina pendiculara, sutgera u funiculara e sumeglianta a l’autra. Tant ils meds da transport, las cuntradas sco era la purschida gastronomica e las attracziuns èn fitg differentas.

RR actualitad 18:00

Artitgels legids il pli savens