La represchentanza grischuna en il cussegl dals chantuns resta sco fin qua. Sco spetgà, èn ils cussegliers vertents Stefan Engler (PCD) e Martin Schmid (PLD) vegnids confermads. Els n'han gì nagina concurrenza.
L'anteriur directur dal departement da construcziun dal Grischun, Stefan Engler ha fatg 39'608 vuschs, l'ex directur da finanzas, Martin Schmid è vegnì sin 35'926 vuschs. Singuls candidats han survegnì 8'512 vuschs. Il pli absolut era tar 21'012 vuschs, la participaziun a la votaziun tar 40,33 %.
Sco gia il 2011 eran Stefan Engler (PCD) e Martin Schmid (PLD) ils unics ch'han candidà per in sez en il cussegl dals chantuns. I n'ha dà nagins cuntracandidats.
audio
Cussegl dals chantuns - l'elecziun è decidida
01:14 min, ord Novitads dals 18.10.2015.
laschar ir. Durada: 1 minuta 14 Secundas.
audio
Intervista cun il cusseglier dals chantuns Stefan Engler
01:39 min, ord Novitads dals 18.10.2015.
laschar ir. Durada: 1 minuta 39 Secundas.
audio
Intervista cun il cusseglier dals chantuns Martin Schmid