Siglir tar il cuntegn

Header

cuntegn

Exteriur En Tirchia cumpara gasetta cun paginas vidas

En Tirchia è la gasetta critica envers la regenza «Sözcü» cumparida la sonda cun paginas vidas. Cunquai protesta la redacziun encunter l'arrestaziun da dus collavuraturs.

Il venderdi aveva la procura publica scrit ora per la tschertga quatter collavuratus da la gasetta. Ad els vegnì rinfatschà d'avair commess delicts a favur dal moviment da Gülen. Quel vegn fatg responsabel per l'emprova da putsch da la stad passada.

Gasetta cun 19 paginas vidas

In di suenter l'arrestaziun dals dus collavuraturs da la gasetta «Sözcü» en la Tirchia è la gasetta cumparida cun paginas vidas. L'ediziun da sonda è cumparida cun il titel «19 da matg ediziun speziala tar libertad da pressa» - las ulteriuras 19 paginas da la gasetta en restadas vidas.

La gasetta Sözcü cumpara en 270'000 exemplars ed è la terz gronda gasetta da la Tirchia.

RR novitads 15:00

Artitgels legids il pli savens