Durant dus dis è la microlotta da Radiotelevisiun Svizra Rumantscha plazzada davant l'entrada dal center da cumpra City West.
Venderdi, ils 28-10-2016 da las 9:00 enfin las 21:00
Sonda, ils 29-10-2016 da las 8:00 enfin las 18:00
In mund plain magia
Ils uffants pitschens spetga in mund plain aventuras. Sandra Carisch-Killias raquinta istorgias e chanta ensemen cun ils uffants.
As regurdais anc da l'istorgia «Ils musicants da Brema»? U avais schon ina giada udì l'istorgia «Sultan e Tamazi»? Questas ed autras ivettas pudais tadlar sin il tarpun cotschen ch'è plazzà en l'intern dal City West.
Venderdi, ils 28-10-2016
13:00 - 13:30
15:00 - 15:30
17:00 - 17:30
Sonda, ils 29-10-2016
11:00 - 11:30
14:00 - 14:30
16:00 - 16:30
Insatgs musicals en la Canorta
Durant quests dus dis da giubileum visitan chantaduras e chantadurs rumantschs la Canorta e procuran per in'atmosfera cumadaivla cun insatgs da musica per egl ed ureglia.
Venderdi, ils 28-10-2016
17:30 – 18:00 Polyphone
19:30 – 20:00 Dario Hess, Flavian Kroll, Manuel Eicher e Stefan Zykora
Sonda, ils 29-10-2016
12:00 – 12:20 Curdin Brugger, Severin Brugger
15:30 – 16:00 Martina Linn
Tumasch
Tumasch è quest onn preschent a differentas occurrenzas dad RTR. Vus enconuschais el vi da ses t-shirt alv cun si ses num. Per cas che Vus entupais el: faschai in selfie u in curt video e lura in post cun il hashtag #playrtr sin facebook, twitter u instagram. Tranter las meglras contribuziuns tirain nus la sort. I dat premis che stattan en connex cun la proxima occurrenza a la quala Tumasch è preschent.
Sche Tumasch n'è betg gist a la chatscha da selfies, lura sa recreescha el dal travasch en la Canorta dad RTR (avant il City West) e giauda d'observar or d'in lieu patgific quai che capita enturn el. Vegni era Vus tar nus en la Canorta dad RTR. Faschai ina curta pausa e rimnai nova energia per il divertiment che spetga.
Dapli sin: http://play.rtr.ch