Siglir tar il cuntegn

Header

cuntegn

2012 Accents 3

En il schurnalissem vali anc adina: pli attractiv il cuntegn, pli ferma la resonanza.

Editorial

En il schurnalissem vali anc adina: pli attractiv il cuntegn, pli ferma la resonanza. Questa sfida resta: acquistar cun mintga istorgia in public. In element nov ha mess in zic a chantun questa devisa: la derasaziun dals products schurnalistics.

Pli baud era radio radio, televisiun televisiun e la gasetta era gasetta. Oz fusiunescha la rait quests vecturs. En la rait sa cruschan maletg, tun e bustab. E la rait dat al consument la libertad da recepir quests products cura e co ch'el vul.

Quest svilup tecnic influenzescha la moda e maniera da crear cuntegns. Era ston ils responsabels dal program sa fatschentar cun la dumonda co programmar, co plazzar e nua plazzar. La tendenza è clera gia oz: ils vecturs tradiziunals perdan public, la rait gudogna massivamain.

Tge munta quai per RTR? Nus essan ans occupads intensivamain da quests svilups e vulain elavurar da nov nossa strategia per la rait, per multimedia. Concret stuain nus avair in plan d’acziun per plazzar dapli cuntegns en la rait. Quest'acziun na po betg capitar d’in di a l’auter. Noss public tradiziunal sto esser preparà per quest pass. Mo far stuain nus el. Per mantegnair quai che nus avain e per garantir a la Svizra rumantscha programs audiovisuals.

Artitgels legids il pli savens