Il spiritual catolic che ha revoluziunà la cosmologia moderna

La baselgia catolica ha la reputaziun da duvrar bler temp per acceptar novas scuvertas da las scienzas natiralas, cunzunt sch'i sa tracta da dumondas cosmologicas. Copernicus e Galileo èn ils pli famus exempels negativs. Ch'i va però era auter, ha mussà l'exempel da Georges Lemaître: Sia teoria dal «sfratg primar» (ubain dal «atom primar», sco ch'el sez scheva) veva persvadì la baselgia catolica anc avant che persvader il mund scientific.

Co è quai stà pussaivel? Pader Theo Theiler da la claustra da Mustér, ch'è era scolast da scienza natirala, emprova da declerar pertge che la teoria dal «sfratg primar» va en sasez bain a prà cun la Genesis. El di però era nua ch'in scienzià religius pudess anc oz s'arder la detta.

Redacziun: Mathias Kundert

Contribuziuns

Autur/a: RTR/hs