Trun: Tschaiver danovamain senza uffants

Glieud mascrada tar in til da tschaiver.
Legenda da maletgs: Era quest onn vegn il til da tschaiver a Trun ad avair lieu senza uffants. RTR, G. HOSANG

En la Surselva datti anc trais gronds tils da tschaiver, numnadamain a Sedrun, a Mustér ed a Trun. In usit, ch'è dentant adina pli grev da mantegnair. Cunzunt a Trun èsi adina pli difficulturs da chattar scolars motivads da s'engaschar. Quest onn èn per la segunda giada en roda naginas classas primaras, secundaras u realas s'annunziadas al til da tschaiver.