Scola da skis Mundaun tschertga sponsurs per nov parc

La Scola da skis Mundaun vul realisar in nov parc per emprender dad ir cun skis per uffants.

La scola da skis Mundaun vul in nov champ
Legenda da maletgs: La scola da skis Mundaun vul in nov champ. mad

L'idea è da construir in nov parc a Cuolm Sura e betg modernisar ubain engrondir il vegl parc a Valata. I duai dar in parc pli grond e pli adattà als basegns da la scola da skis. Per realisar quest project mancan anc circa 55'000 francs. Daners ch'ins vul ramassar entras sponsurs e donaturs.

Autur/a: RTR/sc