Siglir tar il cuntegn

Header

audio
Pendiculara da model.
RTR, G. Hosang
laschar ir. Durada: 4 minutas 12 Secundas.
cuntegn

Mustér: La sora pitschna da la pendiculara Mustér

In giuven giast da vacanzas da Mustér ha zambregià ina pendiculara da model.

En l'internet chatt'ins betg adina quai ch'ins tschertga, persuenter magari auter. Uschia per exempel in video dad ina pendiculara da model che sumeglia la pendiculara da Mustér ed è era a Mustér. Il construider da questa pendiculara è il gimnasiast Severin Staubli ch'abitescha a Grafstal (ZH). Il giuvenot da 15 onns ha plaschair da zambregiar ed è era fascinà da pendicularas. Uschia ha el cumenzà a construir ina pendiculara da model.


Nagins plans
L'ultim model è ord lain ed ha in motor electric che tira las sis cabinas sur las duas staziuns ed ils pilasters ora. Plans per construir ina tala pendiculara na dettia quai betg. El haja tschertgà in pau en l'internet per laschar s'inspirar co fabritgar la pendiculara. Il rest haja el simplamain empruvà ora, ha ditg Severin Staubli. Per la pendiculara ha el era creà ina pagina d'internet. Quella saja per mussar intgins films ubain era per inspirar auters che han gust da fabritgar ina pendiculara da model.

Da vesair è la pendiculara cura che Severin Staubli è en vacanzas a Mustér.

Dapli da «Total local»

Scrollar a sanestra Scrollar a dretga