Giuvaulta: Permissiun per l’allevament da peschs

La vischnanca da Giuvaulta ha concedì al chantun Grischun il dretg da prelevar aua sutterrana.

L'allevament da peschs a Giuvaulta è il pli grond allevament dal Grischun.
Legenda da maletgs: L'allevament da peschs a Giuvaulta è il pli grond allevament dal Grischun. RTR, F. Belotti

La concessiun è limitada a 50 onns, scriva la regenza en ina communicaziun. Il stabiliment per l'allevament da peschs a Giuvaulta è en funcziun dapi l'onn 1971 ed è il pli grond en il chantun Grischun. Perquai ch'il stabiliment vegn engrondì cun trais ulteriurs batschigls na basta la productivitad dal bigl da prelevaziun vertent betg pli per far funcziunar il stabiliment per l'allevament da peschs. Pervia da quai è vegnida construida ina segunda tschiffada. Da nov dastgan vegnir prelevads 450 liters per minuta. Mo en cas excepziunals, per exempel dis da stad fitg chauds, vegnan las pumpas da tuts dus bigls prendidas en funcziun a medem temp durant in pèr uras al di, e quai cun ina quantitad da prelevaziun da totalmain 730 liters per minuta.

Autur/a: RTR/dh