Cuira: Ils pumpiers tschertgan commembers

Es ti fieu e flomma per insatge nov? Cun in u lauter placat ed era sur Facebook tschertgan ils pumpiers da Cuira rinforz. Ma guardi propi ora uschè mal cun ils pumpiers a Cuira ed en il Grischun?

Legenda da maletgs: mad

A Cuira stessan esser staziunads radund 85 pumpiers, actualmain èn quai mo 83. Tenor il cumandant dals pumpiers da Cuira Stefan Reutimann n'è quai nagin drama. Ed en il rest dal chantun na guarda era betg ora mal. En ils 60 corps da pumpiers èn activs passa 2200 commembers, nagliur datti memia paucs pumpiers.

Daco lacziun da reclama?

Tenor Stefan Reutimann èsi impurtant dad ir en tschertga preventiva. Uschia vulan ins evitar chi detti in di memia paucs pumpiers. Perquai vegnan lantschadas acziuns sco questa. I saja er impurtant, da sensibilisar la populaziun davart la lavur dals pumpiers. Perquai ha lieu il mardi, ils 11. Doctober 2016 ina saira dinfurmaziuns. Là vulan ins er emprender a enconuscher candidats potenzials che vulessan ir tar ils pumpiers.

Dunnas tar ils pumpiers?

Era dunnas pon far part dals pumpiers voluntaris. Bain cler, chellas han dad absolver la medem procedura da recepziun sco lur collegas masculins. A Cuira sco er en il rest dal Grischun è la quota da dunnas tar ils pumpiers enturn 10%, quai èn var 220 pumpieras.

Co daventar pumpier?

Tar ils pumpiers en il Grischuns po mintgin sannunziar perquai chels èn cumplettamain voluntaris. Alura datti per part in curt percurs. Tranter auter vai per ir sin ina stgala u per metter ina lingia daua. Igl è cler chils blers fan quai per la prima giada, ma i va per il fatg quant bain chins emprenda e quant bain chins è adattà per il team. Sche tut quai funcziuna bain, pon ins daventar part dal team e la recrutaziun po cumenzar.

Autur/a: RTR/fc