Andeer: Siemis vegnan realisads

Il construider da ghitarras Werner Schär porscha en ses lavuratori ad Andeer curs da construir sez ina ghitarra tenor agen giavisch. Per blers in siemi.

Purtret da Cecilia e Werner Schär.
Legenda da maletgs: Cecilia e Werner Schär en lur lavuratori da construir ghitarras. RTR, S. Guetg

Ad onn ha Werner Schär 20 fin 30 participants. Svizzers, Austriacs e Tudestgs fin tar participants dal Canada u da la Brasilia emprendan tar Werner Schär a far l'atgna ghitarra.

Ils participants dal curs han la pussaivladad da construir lur ghitarra en in curs da duas emnas. Per construir las ghitarras dovra Werner Schär per gronda part laina indigena. Werner Schär sez di : «Il grond art è dad avair l'abilitad da construir la ghitarra che tuna er bain».

Davent da lentschatta dals onns 80 tschertga Werner Schär il tun perfetg pli baud a Tumein, uss ad Andeer en Val Schons.

Laschar ir video «Curs da far ghitarras ad Andeer»

Curs da far ghitarras ad Andeer

1:17 min, dals 8.2.2016

Autur/a: RTR/cl