Katrin Pally-Stieglbauer è oriunda da St. Englmar, in vitg en il Bayrischen Wald, ver 40 km davent dal cunfin cun la Tschechia e circa 80 km davent dal cunfin da l‘Austria. Ella è vegnida avant 17 onns en Surselva ed abita cun sia famiglia a Mustér. Katrin Pally ha dus uffants da 7 e 4 onns. Ella lavura en plazza parziala sco opticra a Glion e Mustér ed è er la presidenta da l’uniun da dunnas da Mustér. En ses temp liber va Katrin Pally gugent cun skis, cun velo da muntogna u a viandar cun sia famiglia.
Tratgas da la Baviera cun Katrin Pally
Katrin Pally preschenta en «Tips, tric e tacs» spaisas da sia patria en l’ost da la Baviera. Quatter recepts per la cuschina dal mintgadi, da festa ed in dultsch da perdunanza.
Parter
Parter