Profil cun Clea Filli-Baumberger

«Nus giugain mintga di cun la vita»

Clea Filli-Baumberger avant in'ovra d'art da ses bab.
Legenda da maletgs: Clea Filli-Baumberger avant in'ovra d'art da ses bab. RTR, R. Mühlemann

La sala d'operaziun da l'Ospital chantunal a Cuira è daventada la segunda stiva da Clea Filli. Dapi passa 20 onns lavura ella là sco experta da tgira d'anestesia. Ella accumpogna e surveglia damai ils pazients durant inoperaziun. «Nus giugain adina cun la vita da noss pazients», di ella. Quai saja bain ina gronda responsabladad ma dentant daventà rutina. E per fortuna sajan era la gronda part da las operaziuns rutina e be qua e là datti cas, ch'ella prendia a chasa. «Quai èn lura surtut grevs cas suenter accidents.»
Clea Filli s'occupa dentant era cun art. L'art che ses bab Franz Baumberger ha laschà enavos suenter sia mort. Dentant, che quai è propi art, da quai n'èn betg tuts d'accord, surtut betg la scena d'art. Ina ierta difficila, sco ella conceda en l'emissiun Profil dal Radio Rumantsch.
Redacziun: Riccarda Mühleman

Autur/a: RTR/dh