«Sas aunc…»

Noss chors chantan las pli bellas, ma er las pli tristas istorgias d'amur rumantschas.

In pèr d'amur durant la rendida dal sulegl.
Legenda da maletgs: In pèr d'amur durant la rendida dal sulegl. Keystone

«Sas aunc co nus mavan in cun l'auter, nus vesevan mo noss'amur» aschia entschaiva la bella chanzun d'amur che Gion Balzer Casanova ha cumponì cun ina poesia da Rita-Killias-Cantieni. Quella chanzun ha intimà nus da rimnar las istorgias d'amur las pli bellas, chantadas da noss chors. Tge bels muments!

Magari datti dentant era mal d'amur, cura che istorgias d'amur fineschan mal sco en las veglias popularas «Che fasch qua tü randulin» u «Silip e la furmia». Dentant, las regurdientschas restan per adina, sco la poesia da Rita Killias-Cantieni raquinta: «Seregordas ti aunc da quei temps grondius, nus dus persuls cun nies misteri che valeva mo per nus.»

Redacziun: Rosvita Barenius