Il scrivent Lothar Deplazes (1939 – 2015)

Purtret da Lothard Deplazes.
Legenda da maletgs: Lothard Deplazes. ANR, C. DEPLAZES

A l'entschatta dal mais da favrer è il scrivent ed istoricher Lothar Deplazes mort. El era creschì si a Sagogn e viveva a Küsnacht sper Turitg. El ha scrit bleras istorgias curtas e poesias. Lothar Deplazes è era stà il librettist da l'emprima opera rumantscha, «Il cerchel magic» da Gion Antoni Derungs. En «Noss chors» tadlain nus parts da quella opera, registraziuns fatgas il 2012 a chaschun da la producziun concertanta da l'opera cun la Kammerphilharmonie Graubünden e Cantus Firmus Surselva. Lura tadlain nus l'ovra «Embrugls», ina rimnada dad otg chanzuns tenor poesias da Lothar Deplazes. Poesias che reflecteschan noss temp cun ses embrugls. L'ovra è vegnida chantada il 1996 dal Chor viril Lumnezia.
Redacziun: Rosvita Barenius

Autur/a: RTR/cl