«Peder ed il luf»

Il luf tuna sco in corn. L'utschè sco ina flauta. L'anda sco ina oboa. Il giat sco la clarinetta... Tgi di che musica classica saja be per creschids?

In luf.
Legenda da maletgs: In luf. Keystone

Sergei Prokofiew ha scrit sia paraula musicala «Peter und der Wolf» per declerar als uffants ils instruments en l'orchester sinfonic. Il medem mument èsi reussì ad el ina capodovra! En nossa classica èn ils raquintaders da la paraula dus umens che na pudessan betg esser pli differents. Cumbain ch'els n'èn betg musicists «classics», han els adina gì in'affinitad particulara per la musica classica: STING e LORIOT!

Redacziun: Rosvita Barenius