Il forum cun Clau Lombriser

Pli fitg ch'el sa lava e pli tschufs ch'el sa senta - il dilemma da l'uman modern

Purtret da Clau Lombriser.
Legenda da maletgs: Clau Lombriser. RTR

Nus avain udì da nossas mammas e tattas: suenter parturir stuevan ellas ir a sa laschar purifitgar. En lur egls in'umiliaziun en noss egls in scandal religius. È parturir in putgà? Danunder deriva quest ritual numnà «trair a baselgia»? Il forum fastizescha ses origin dispitaivel en il Veder Testament. Quel parta la vita en «pur» e «malnet». Da tut il malnet saja i da sa liberar. In dals pli vegls rituals per quai è il far bogn. La purificaziun religiusa surviva en l'obsessiva igiena moderna. Las bacterias han uss remplazzà il putgà. Dal vegl putgà vegniv'ins spendrà, da las bacterias dentant betg. L'uman modern è en in dilemma: pli fitg ch'el sa lava e pli tschufs ch'el sa senta.
Redacziun: Clau Lombriser

Autur/a: RTR/df