Tschigulatta

Oz e il di mundial da la tschigulatta. Mangiar tschigulatta n'è betg mo ina bumba da calorias. Tschigulatta po era esser sanadaivel e po far vegnir bel.

Tschigulatta sa era esser sanadaivla
Legenda da maletgs: Tschigulatta sa era esser sanadaivla Keystone

Tschigulatta fa enconuschentamain vegnir cuntent. Però tschigulatta po era anc far vegnir bella la pel ed ils chavels. Però era per la sanadad èsi bun da mangiar ina ni l'autra giada tschigulatta. In studi mussa che pazients da demenza che mangian tschigulatta rivan da tegnair pli bain sut controlla lur malsogna. Tschigulatta gida era preventiv per attatgas da cor. Il polyphenols en la tschigulatta gida ch'i na dettia tanta chaltschina en las arterias. Ed in zic tschigulatta po era gidar per la concentraziun.

Autur/a: rtr/fc