Tricolore

«blau-alv-cotschen» las colurs dals franzos. Il tricolore è il simbol da la revoluziun franzosa. En il temp da la revoluziun è la bindera l'emprim vegnida duvrada sco bindera da guerra. Dal 1794 è la bindera tricolore daventada la bindera uffiziala da la Frantscha.

Il tricolore il pli enconuschent e il tricolore frances
Legenda da maletgs: Il tricolore il pli enconuschent e il tricolore frances Keystone

Pli baud avevan las colurs da la bindera in'autra simbolica che oz. Blau e cotschen eran las colurs da Paris ed alv era la colur dal retg da la Frantscha. Suenter che la monarchia è ida a fin n'avevan las colurs betg pli in'impurtanza simbolica. Cun la revoluziun han las colurs puspè survegnì in'impurtanza: liberté, égalité, fraternité. Blau stat per la libertad, alv per l'egualitad e cotschen per la fraternitad.

l'Italia e la Germania u l'Ollanda ed anc plirs auters pajais han era il tricolore sco bindera. Quellas binderas sa basan sin la bindera franzosa e simboliseschan era la libertad.

Autur/a: RTR/fc