SIGG tutga ussa als Chinais

Ina vendita svizra suenter l'autra...

Butteglias da SIGG.
Legenda da maletgs: En la producziun da las butteglias SIGG. KEYSTONE

Il concern chinais Hears Vacuum Containers surpiglia per 16 milliuns francs svizzers la firma da tradiziun svizra SIGG. Las buttiglias da SIGG datti ussa gia dapi passa 100 onns. Il 1910 han ins inventà la buttiglia da viandar che vala sco pli robusta buttiglia da baiver dal mund. Las buttiglias da viandar tipicas svizras na sa vegnan dentant betg grond da midar pervi dal nov patrun ester. Gia ussa tutgava la firma ad in concern american. Era la n'han ins betg remplazzà la crusch svizra cun stailas e stritgs americans. Era tge che pertutga il tipic svizzer na sa mida a curta vista bler. Gia ussa vegnan dus da quatter tips da buttiglia producids en China. Vul dir il nov model da vaider sco era ils models da atschal raffinà (Edelstahl). Mo las buttiglias tradiziunalas d'aluminium sco era las buttiglias da polipropilen vegnan producidas en Svizra.


Survista da firmas tipicamain svizras - tar tge pajais tutgan i?

AMAGCH
Appenzeller chaschielCH
Appenzeller bavrondasCH
AromatGronda Britannia/Ollanda
CalandaOllanda
CaotinaGronda Britannia
Caran d'AcheCH
EichhofOllanda
ElmexStadis Unids
EmmiCH
FeldschlösschenDanemarc
Franz Carl WeberFrantscha
GaraventaAustria
GerberCH
HeroCH/Germania
ImpleniaCH
JuraCH
KamblyCH
KägifretCH
Le ParfaitCH
Lindt&SprüngliCH
MaggiCH
MammutCH
NestléCH
OvomaltineGronda Britannia
RagusaCH
RicolaCH
RivellaCH
RolexCH
StöckliCH
SugusStadis Unids
Sulzer AGCH
SwatchCH
SwissGermania
ThomyCH
TobleroneStadis Unids
Valser WasserStadis Unids
VictorinoxCH
ZweifelCH

Autur/a: RTR/dh