Palast da Recep Tayyip Erdogan

Dapi dus onns sa chatta la sedia dal president da la Terchia en il nov palast. 1'000 fin 1'100 stanzas ha quel, repartì sin 210'000 meters quadrat. Tranter 270 e 490 milliuns euros ha il palast custà.

Palst gigantic da Recep Tayyip Erdogan.
Legenda da maletgs: Palast dad Erdogan illuminà. Reuters

Palast illegal: Cun ses 210'000 meters quadrat è il palast dad Erdogan pli grond che la Chas'alva a Washington u il Buckingham-Palace a Londra. Ma en sasez è il palast illegal perquai ch'el è vegnì construì en ina zona da protecziun. Ina dretgira ha constatà quai.

Motiv per palast: L'anteriur sez uffizial da la Terchia sa chattava ad Ankara en ina villa. Tenor Erdogan avevi là cacherlacas.

Autur/a: RTR/cc