Missiun accumplida per Piccard

En 17 etappas e cun tscherts incaps èsi reussì a Bertrand Piccard e ses copilot André Borschberg da traversar il mund cun l'aviun «Solar Impulse 2». Per Bertrand Piccard (58), il piunier da l'aviatica, è in siemi ì en vigur.

Bertrand Piccard e André Borschberg
Legenda da maletgs: keystone keystone

Questa notg èn ils dus pilots da l'aviun «Solar Impulse 2» sa tschentads ad Abu Dhabi. Doris Leuthard, la ministra da traffic ed energia, è sgulada ad Abu Dhabi per retschaiver ils dus heroxs da l'aviatica solara. La traversada dal mund ha cuzzà passa 15 mais. Bertrand Piccard ed André Borschberg han temì insaquantas giadas da na pudair cuntanscher lur finamira. Bertrand Piccard aveva gia battì il record mundial cun in ballun l'onn 1999, cura ch'el ha traversà la terra en strusch 20 dis.

Autur/a: rtr/de