Il di mundial da la giuventetgna

Pil mument ha lieu a Krakau il di mundial da la giuventetgna, ubain megler ditg ils dis - quella occurenza ha numnadamain cumenzà schon mardis e cuoza enfin dumengia. A Krakau s'entaupan giuvens e giuvnas catolicas da l'entir mund.

Il Papa en ses "Papamobil" tras las vias da Krakau
Legenda da maletgs: Il Papa en ses "Papamobil" tras las vias da Krakau Reuters

Spitgà vegnan in miez enfin 1,5 milliuns giuvens e giuvnas da la baselgia roman-catolica da 187 differents stadis. Il di mundial da la giuventetgna ha lieu mintga trais onns. L'ultima giada è el stà a Rio de Janeiro. Sin il programm èn catechesas, pia instrucziuns cun differents uvestgs ubain er per exempel ina notg da uraziun. In highlight è er la visita da Papa Francestg.

Il Papa è gia insaquants dis en Pologna ed ha er gia visità la regenza da la Pologna. Sia visita è in zic delicata, per blers represchentants dal clerus polac fitg conservativ è il Papa numnadamain memia liberals - per exempel quai che pertutga sia tenuta en la dumonda da fugitivs ubain er pertutgant homosexualitad.

Autur/a: RTR/sb