Il cot da la Frantscha

14 juillet - il di naziunal da la Frantscha. In di per sa deditgar a l'animal che tutga simplamain tar la Frantscha - il cot.

In um cun in cot
Legenda da maletgs: Il cot e la Frantscha - quai va a prà Keystone

Il Grischun ha il capricorn, il chantun Berna l'urs, la Gronda Britannia il liun e la Germania l'evla. E la Frantscha? Exact, il cot

Ma uffizialmain n'è il cot il simbol da la Frantscha. La Frantscha na posseda en sasez betg in animal sco simbol. Dapi la Revoluziun franzosa l'18avel tschientaner tutga il cot per blers simplamain tar ils Franzos. Il cot è in animal dal pievel simpel ed uschia simbol per la populaziun che posseda pauc.

Malgrà ch'il cot ha gi da cumbatter per sia popularitad, per exempel encunter Napoleon Bonaparte, è el anc oz il simbol nunuffizial da la Frantscha.

Autur/a: RTR/gcc