Il bikini

Il bikini ha giubileum: Oz avant 70 onns è l'emprim bikini vegnì preschentà a Paris.

Oz è el quasi en mintga stgaffa.
Legenda da maletgs: Oz è el quasi en mintga stgaffa. Reuters

La preschentaziun da l'emprim bikini è stà ina bumba. Betg mo en il senn metaforic, in scandal, perquai che dunnas han enfin lura anc quasi mai mussà uschè blera pel blutta, mabain er en il vair senn dal pled. Il num «bikini» deriva numnadamain d'ina bumba. Respectiv da l'atoll da Bikini nua ch'ils Stadis Unids han testà avant 70 onns ina bumba atomara.

Dentant il bikini ha duvrà in zic enfin ch'el è sa mess atras. Il Vatican ha scumandà il bikini en certs loghens. Pir cun il moviment dals onns 68 è lura il bikini sa derasà.

Autur/a: RTR/sb