Gruppa Sauber è vendida

Peter Sauber e Monisha Kaltenborn han tschertgà e chattà in investur per lur interpresa. La firma investura Longbow Finance SA che ha surprendì il num Sauber e la sedia a Hinwil.

Peter Sauber ha remess tut sias funcziuns.
Legenda da maletgs: Peter Sauber ha remess tut sias funcziuns. keystone

La firma investura Longbow Finance SA cun sedia a Lutry en il chantun Vad è administratura da finanzas da Tetra Val. Tetra Val è il concern mamma dal gigant d'emballadis svedais Tetra Pack. Tetra Pack è dapi insaquants onns sponsur dal pilot svedais Marcus Ericsson. El è dapi 2015 pilot da Formula 1 da la gruppa Sauber.

Autur/a: rtr/de