Emilie Kempin-Spyri

Emili Kempin-Spyri (1853-1901) era l'emprima giurista da l'Europa. Ella era l'emprima dunna che ha studegià dretg en Svizra, ed a New York ha ella avert sco emprima dunna ina scola da furmaziun da dretg mo per dunnas.

Emili Kempin-Spyri, l'emprima giurista da l’Europa
Legenda da maletgs: Emili Kempin-Spyri, l'emprima giurista da l’Europa Das Kollektiv GmbH

Ina vita entira ha Emilie Kempin-Spyri cumbattì per ils dretgs da las dunnas. Fin davant dretgira federala è ella ida per pudair pratitgar en Svizra sco giurista. Ella ha però pers e n'ha betg pudì lavurar sco giurista.

Suenter anc in cumbat ha ella pudì instruir dretg a l'Universitad da Turitg. Dentant per in minimum. Pli tard ha Emilie Kempin-Spyri pudì docir dretg a Berlin.

La vita dad Emilie Kempin-Spyri ha ina tragica fin. Ella è vegnida declerada sco malsauna da spiert e vegnida messa en ina clinica psichiatrica. Là è Emilie Kempin-Spyri morta pervi da cancer cun mo 48 onns.

Igl è dentant dispitaivel schebain Emilie Kempin-Spyri era propi malsauna da spiert u sche quai è mo vegnì ditg...

Emili Kempin-Spyri era ina nezza da l'autura Johanna Spyri, l'autura dals cudeschs da Heidi.

Autur/a: RTR/fc