120 onns Badrutt's Palace a San Murezzan

Exact ils 29 da fanadur 1896 è il hotels da luxus che tutga tar ils pli enconuschents dal mund vegnì fundà. Ina lunga istorgia cun baininqual'interessanta episoda.

Il Badrutt's Palace a San Murezzan.
Legenda da maletgs: Il Badrutt's Palace a San Murezzan. Keystone

Per exempel ils schuldads americans ch'èn vegnids l'onn 1946 suenter la segunda uiara mundiala a far vacanzas per sa revegnir. E quai sin cumond.

Ubain l'emprim persunal da pel stgira il cumenzament dal 20avel tschientaner per attrair ils hosps. Da lez temp tschertgavan ils giasts da luxus da vegnir en contact cun culturas estras. Uschia aveva il Badrutt's Palace tranter auter in chuschinier dall'India ed in camerier da Madagascar.

E betg mo tar il persunal era il hotel a San Murezzan piunier, era tar l'infrastructura. L'onn 1913 ha Hans Badrutt avert l'emprima halla da tennis cuverta da l'Europa per ils giasts.

Autur/a: RTR/ggf