Sa preparar sin il Maraton da skis engiadinais

Ina preparaziun da basa per il Maraton da skis engiadinas è fitg impurtanta.

Duas persunas che fan passlung.
Legenda da maletgs: Sa preparar per il Maraton da skis engiadinas è fitg impurtant. MAD

Atgnamain èsi ideal da trenar durant l'entir onn e betg pir curt avant il Maraton da skis engiadinais. Ma quest enviern è per franc betg stà in enviern ch'ins ha pudì trenar da bler sin la loipa.

Co prender si trenament manchentà?
Tuttina pon ins uss las davosas quatter emnas che restan per il maraton anc sa preparar. E sch'ins ha fatg in zichel sport durant il rest da l'onn lura è anc bler pussaivel entaifer questas quatter emnas. Ins duess ir davent dad ussa – sche adina pussaivel – trais giadas ad emna sin la lopia. Lura duess ins era planisar ils trenaments: Lemprim trenament duess esser pli pacific, il segund lura il cuntrari, pia in trenament intensiv ed il terz duai esser in ina maschaida da quellas duas furmas.

Autur/a: RTR/cl