La bursa en ina spirala engiu

La bursa Svizra è actualmain sin il pli bass stan dapi il december 2013.

Grafica d'ina bursa che perda.
Legenda da maletgs: La bursa perda ad in perder. KEYSTONE

Ier glindesdi è perfin vegnì discurri dal «panic Monday» – glindesdi da panica.

Raschuns dettia, tenor experts differents:

  • Il pretsch d'ieli è crudà.
  • L'economia en China. Ils experts discurran da stagnaziun.
  • Ils Stadis Unids procuran per malsegirtad. I regia la tema che l'economia stagnescha.

Il pli grond factur da malsegirtad è, tenor experts da la banca chantunala da Turitg, dentant propi la China.

Pers ha dentant betg be la bursa Svizra. Era la bursa tudestga enconuscha actualmain mo la direcziun engiu. Il DAX è sin il pli bass stan dapi l'october 2014. En Germania han spezialmain las bancas pers fitg.

Autur/a: RTR/sc