Trametter in pachet a Samignun n'è betg uschè simpel. Ins na sa betg simplamain ir sin posta e trametter el. Na - ins sto er anc emplenir or ina decleraziun da cuntegn per la duana. La raschun per quai è che Samignun è ina exclava da duana - la suletta en Svizra.
Quai vul dir che Samignun na s'auda betg tar il territori da dazi Svizzer ed i vala uschè las medemas reglas sco cura ch'ins trametta in pachet en l'exteriur. Il medem èsi cura ch'ins fa cumissiuns a Samignun - lura valan las medemas cundiziun sco cura ins va en l'exteriur a cumprar en.
Tut quai ha raschuns istoricas, pli baud era Samignun numnadamain strusch collià cun la Svizra. Uschia ch'ils abitants gievan per gronda part en l'Austria a far cumissiuns. Cura che la Svizra ha introducì ils cunfins da dazi èn ils da Samignun sa defendi ed han pretendì da daventar ina exclava. E quai è resta fin oz uschè.