Solistas e solists rumantschs chantan (2. part)

L'Artg preschenta solistas e solists rumantschs che tgiran il chant da solo.

Purtret da Sara Bigna Janett.
Legenda da maletgs: Sara Bigna Janett durant ina pausa d'emprova per l'operetta a Haldenstein. RTR, G. G. Flepp

La Rumantschia è la terra dal chant en il collectiv, la terra dals chors. E tuttina datti era tar nus ina retscha Rumantschas e Rumantschs che tgiran ni han tgirà il chant da solo.

En in segund Artg musical preschentain nus quatter chantaduras e trais chantadurs. Nus udin las primadonnas: Judith Scherrer, Rilana Cadruvi, Muriel Schwarz e Sara Bigna Janett. Alura ils chantadurs Flurin Caduff, Gion Jäger e Chasper-Curò Mani.

Redacziun: Giusep G. Decurtins