SKJF a Mustér – il concert dals radios da la SSR

34 chors da tut la Svizra han concertà, frequentà workshops e chantà en il liber. Quai en il rom dal 5. Festival svizzer per chors d'uffants e da giuvenils SKJF. Dals 14 fin ils 17 da matg ha quest festival cun passa 1000 uffants e giuvenils gì lieu a Mustér. Nus da RTR avain registrà plirs concerts. In emprim Artg musical porta il concert da sonda passada en baselgia s. Gions. Nus udin: I Cantori della Turrita, Singknaben St. Ursenkath. Solothurn, Maîtrise du conservatoire Montreux-Vevey & A Vaud Voix ed il Chor d'affons Surselva. Corina Schmed (RTR), Olivier Bosia (RSI) e Guido Rüegge (SRF) han moderà.
Redacziun: Giusep G. Decurtins