Siglir tar il cuntegn

Header

cuntegn

Diari Sonda, ils 5 da november 2016

Il segund di als «Dis da litteratura 2016» a Domat: novellas e currellas, prelecziuns e translaziuns, auturas e puras, tuns e tunas.

Qua cumpara noss ticker cun tut il tic e tac da Domat.

Il ticker è a fin

  • 22:10

    La sairada «Rispli sin pupi» è ida a fin cun ina discussiun communabla.

    Il facit:

    • 2 texts rumantschs
    • 4 artistas ed artists
    • 6 emnas temp
    • = 1 saira grategiada per tuts ch’èn stads da la partida, inclusivamain il public en sala.
    Els sesan sin il palc per discutar.
    Legenda: Anna Serarda Campell, Sara Bienek, Pascal Gamboni, Myriam Gurini e Mirco Baselgia (da san.). RTR, Guadench Dazzi
  • 22:05

    Il musicist ed il text

    Pascal Gamboni, musicist, er el s’ha deditgà a «Quatter giadas Budapest». La structura dal text s’ha platgada en sia interpretaziun. «Budapest – I love you» in ovra – plitost progressiva, di Pascal Gamboni en discurs cun Anna Serarda Campell – en quatter parts.

    audio
    Ina prisa da «Budapest, I love you»
    ord Actualitad dals 06.11.2016.
    laschar ir. Durada: 48 Secundas.
  • 21:47

    L'actura ed il text

    En «Quatter giadas Budapest» raquinta Chatrina Josty il cumià dad in'amur e gudogna il 2006 il Premi Term Bel.
    La sbrinzla dal text siglia immediat via sin Sara Bienek, scolara a la scola d'art Comart a Turitg. Sia interpretaziun dal text è al medem mument sia premiera sin il palc.

    audio
    L'amur che finescha sco in saut...
    ord Actualitad dals 05.11.2016.
    laschar ir. Durada: 41 Secundas.
  • 21:29

    L'artist figurativ ed il text - na rispli, ma larmas sin pupi

    L'istorgia sombra ed inquietanta dad ina dunna, «Helga», e ses trauma da guerra è er stà il tema per l'artist figurativ Mirco Baselgia. Pass per pass ha el chattà l'aczess al text e l'istorgia è daventada reala en il mund dad oz cun ses fugitivs e traumatisads da guerra. Uschia naschan quatter larmas dal text «Helga».

    audio
    Las larmas da cumpassiun da Mirco Baselgia.
    ord Actualitad dals 05.11.2016.
    laschar ir. Durada: 48 Secundas.
  • 20:48

    La ballerina ed il text

    Myriam Gurini interpretescha «Helga» - il text victur dal 2001, scrit dad Ursina Guldemond-Netzer.

    En discurs cun Anna Serarda Campell raquinta ella da sentiments che daventan moviments.

    audio
    La ballerina Myriam Gurini durant sia interpretaziun dal text.
    ord Actualitad dals 05.11.2016.
    laschar ir. Durada: 2 minutas 20 Secundas.
  • 20:32

    Bainvegni ad ina sairada inspirativa!

    audio
    Il bainvegni da questa saira
    ord Actualitad dals 05.11.2016.
    laschar ir. Durada: 39 Secundas.
  • 20:05

    Litteratura+ questa saira a partir da las 20:15

    «Rispli sin pupi» è la basa da l’occurrenza principala da la saira: Quatter artists ed artistas s’han laschads inspirar da dus texts premiads en il passà cun il Premi Term Bel e preschentan lur ovras al public. Discussiun davart l’emprim impuls en in process creativ.
    Cun: Mirko Baselgia (art liber), Sara Bienek (teater), Pascal Gamboni (musica) e Myriam Gurini (saut) Moderaziun: Anna Serarda Campell

    audio
    «Rispli sin pupi» – per ina giada senza rispli e pupi.
    ord Actualitad dals 05.11.2016.
    laschar ir. Durada: 1 minuta 40 Secundas.
  • 19:12

    Domat va a tschaina - er litterats han fom.

    Quai fain nus dentant betg senza s'offrir anc in pitschen amuse-gueule or da la cuschina da scurrilitads dad Arno Camenisch.

    audio
    La zoppa
    ord Actualitad dals 05.11.2016.
    laschar ir. Durada: 13 Secundas.
  • 18:15

    Arno Camenisch «back to the roots»

    Sia ovra è vegnida translatada en passa 20 linguas, cun ses texts viagia el enturn il mund – dentant: cumenzà ha tut qua, a Domat.

    audio
    Arno Camenisch - da return a Domat
    ord Actualitad dals 05.11.2016.
    laschar ir. Durada: 53 Secundas.
  • 17:32

    In diari en 111 haikus...

    ... è in «Diari giapunais» - uschia il titel dal nov cudesch da poesias da l'autur, poet, musicist e schurnalist Benedetto Vigne. In haiku è ina poesia tradiziunala giapunaisa en 3 lingias cun 5-7-5 silbas.

    audio
    Quatter haikus classics da Benedetto Vigne
    ord Actualitad dals 05.11.2016.
    laschar ir. Durada: 30 Secundas.
  • 16:36

    120 minuts Premi term Bel - recapitulà en 87 secundas

    La concurrenza è a fin, il public ha decis per ses victur u sia victura, la giuria discuta davart il premi Term Bel e damaun suentermezdi vegn dat enconuschent, tgi che la concurrenza litterara Premi Term Bel 2016 - tar giuria e tar il public.

    audio
    La concurrenza 2016
    ord Actualitad dals 05.11.2016.
    laschar ir. Durada: 1 minuta 27 Secundas.
  • 16:27

    Romana Ganzoni cun «Il postin»

    Antruras era Romana Ganzoni scolasta da scola media - dapi trais onns è ella scriptura. Ella fa poesias e columnas e la primavaira proxima cumpara ses emprim cudesch cun raquints. A Domat vegn ella cun quel raquint, ch'è naschì suenter l'emprim bitsch endretg da la musa rumantscha - uschiglio scriva ella pel solit en tudestg.

    audio
    Romana Ganzoni prelegia.
    ord Actualitad dals 05.11.2016.
    laschar ir. Durada: 27 Secundas.
  • 16:14

    Stina Hendry cun «Davos baselgia»

    La pli giuvna partecipanta da la concurrenza è 17 onns, va a la Kanti a Cuira ed è da Vella. Scriver n'è dentant betg nov per ella. Cun sia collega Flurina Albin ha ella scrit il roman da fantasy «Emalio». A Domat sa preschenta ella cun il prender cumià da l'amur dad ina giada.

    audio
    Stina Hendry en prelecziun.
    ord Actualitad dals 05.11.2016.
    laschar ir. Durada: 46 Secundas.
  • 15:51

    Rut Bernardi cun «La muciadiva»

    Tuns insolits als Dis da Litteratura a Domat: Sco terza preschenta l'autura e docenta Rut Bernardi, che viva en Val Gherdëina en il Tirol dal sid, ses text. En traducziun tudestga per meglra chapientscha, dentant era cun inqualina passascha ladina quinta ella l'istorgia dad ina dunna che tschertga il silenzi en claustra.

    audio
    La muciadiva
    ord Actualitad dals 05.11.2016.
    laschar ir. Durada: 30 Secundas.
  • 15:37

    Alice Bertogg cun «La patria ch’exista buc»

    Ella era vegnida per restar, la uratta dad Alice Bertogg. La dunna a la quala la mamma e moderatura ha deditgà ses text. Suenter pli che trais dis viadi era la franzosa rivada quella giada en sia nova patria, a Ruschein.

    audio
    La franzosa
    ord Actualitad dals 05.11.2016.
    laschar ir. Durada: 29 Secundas.
  • 15:25

    Gion Dominic Pohle cun «Animus Iter – il spért sin via»

    Gion Dominic Pohle (25) da Laax ha lantschà la concurrenza. En il center da si'istorgia: Il animus iter, il pli nov gadget tecnic. Science-fiction ni tecnologia da damaun?

    audio
    Animus iter
    ord Actualitad dals 05.11.2016.
    laschar ir. Durada: 56 Secundas.
  • 14:50

    La concurrenza pel Premi Term Bel è lantschada.

    Moderatura Barbla Etter ha preschentà la giuria. Quai èn quest onn Annetta Ganzoni, Michele Badilatti e Chatrina Josty. Els surdattan il premi da la giuria ch’è dotà cun 1’000 francs.

    Er il public ha in pled en chapitel: il premi dal public è dotà cun 500 francs.

  • 14:34

    Malchapientschas tranter autur e scienzià?

    A-ba, a tadlar a l’autur Göri Klainguti ed il scienzià Clà Riatsch na paran quellas betg dad exister... tut bel e bun sco en la critica da litteratura rumantscha? Betg propi: Critica bain, ma cun mesira, di Göri Klainguti.

    audio
    Clà Riatsch e Göri Klainguti - mo quasi adina daperina.
    ord Actualitad dals 05.11.2016.
    laschar ir. Durada: 1 minuta 12 Secundas.
  • 14:09

    La maisa è pronta.

    Las 14:30 va ella liber – la famusa concurrenza litterara Premi Term Bel.

    En cursa cun lur texts èn quest onn:

    • Gion Dominic Pohle cun «Animus Iter – il spért sin viadi»
    • Stina Hendry cun «Davos baselgia»
    • Romana Ganzoni cun «Il postin»
    • Rut Bernardi cun «La muciadiva»
    • Alice Bertogg cun «La patria ch’exista buc»
    Ina maisa cun sutga, vis da davos la sutga nà.
    Legenda: Tut è pront per las tschintg prelecziuns. RTR, Guadench dazzi
  • 14:01

    Ils munds da Luis Coray

    Poet-pictur-chantadur – tut ensemen e nagut mo in zic. Luis Coray è rivà a Domat cun tut las fassettas da si ‘ovra. Si e giu per stgala pendan ses maletgs, cun sai ha'l ses instruments – per tgi che na sa betg esser da la partida live datti uss in cudesch.

    Els dus discutan.
    Legenda: Erwin Ardüser en discurs cun Luis Coray davart quai ch’animescha e motivescha il Liber da Laax. RTR, Guadench Dazzi

Sonda, ils 5 da november

Avrir la box Serrar la box

09:15 Andri Peer Prosa 1945-1985
10:00 Tavulin litterar
11:00 Il spért e la val, Leo Tuor
13:00 Munds da Luis Coray
13:45 Critica litterara cun Clà Riatsch e Göri Klainguti
14:30 Premi Term Bel
16:45 Diari giapunais da Benedetto Vigne
17:45 Arno Camenisch en discurs
20:15 Rispli sin pupi
22:30 Bar litterara

Artitgels legids il pli savens