Siglir tar il cuntegn

Header

cuntegn

Corin Curschellas Senza patria, senza casa - leghers mein pil mund entuorn.

Ils viadis da Corin Curschellas cumenzan suenter ses temp da studi a Turitg.

Ella viagia da continent a continent e viva en metropolas pulsantas.

Ella viagia tranter ils stils da musica: scriva chansons, fa free jazz u lascha entrar influenzas africanas en sias chanzuns da pop.

Ella viagia tranter mastergns: ella gioga teater, ella chanta, ella cumpona per auters artists (Dodo Hug, Michael von der Heide etc.), dat workshops ed instruescha chant.

Ord quests temps spir moviment è era la chanzun “ils vagants”, tenor in text da Gian Fontana:

Senza patria senza casa, leghers mein pil mund entuorn. Cu gl’argien la glina rasa, lu saltein nus sco da stuorn.
Autur: Gian Fontana Scriptur
audio
Ils vagants
ord RTR Audio dals 22.09.2016.
laschar ir. Durada: 2 minutas 51 Secundas.

Berlin

Il 1983 enfin 1989 viva Corin Curschellas a Berlin. Là ha ella la chaschun da concertar cun divers musicists e furmaziuns (Michael Rodach, Klaus Wilmanns, Gatz Gatz...).

Ella instruescha a la scola da musica Kreuzberg/Berlin e dat regularmain workshops:

Paris

Il 1990 suonda la midada en in’autra metropola europeana: Paris.

En la chapitala franzosa ha Corin Curschellas adina puspè vivì e lavurà dal 1990 - 2005.

Corin Curschellas stat avon in flum, sper ina laterna da via
Legenda: Corin Curschellas a Paris en il 1999 Collecziun privata Corin Curschellas
video
NEXT 19-03-1995
Or da RTR dals 19.03.1995.
laschar ir. Durada: 5 minutas 14 Secundas.

Turneas...

Gea, Paris è en quests onns il center da vita da Corin Curschellas. Mo quai na sclauda betg che l’artista saja adina en moviment!

Uschia va ella tranter auter sin turnea en China cun Hardy Hepp (“Hand in Hand”).

Corin Curschellas vid cantar e Thomas Fessler speras vid sunar ghitarra
Legenda: Durant in concert en China (1990) - a la ghitarra è Thomas Fessler Collecziun privata Corin Curschellas
video
Hardy Hepp en China 11.02.1995
Or da RTR dals 30.09.2016.
laschar ir. Durada: 1 minuta 39 Secundas.

In onn pli tard chanta Corin Curschellas cun “Les musiciens du Nil” en l’Egipta e Tunesia e dal 1991-1995 fa ella part dal famus “Vienna Art Orchestra”. En tut participescha Corin Curschellas a 5 albums da questa furmaziun.

Corin Curschellas ensemen cun il Vienna Art Orchestra
Legenda: Cun il "Vienna Art Orchestra" Collecziun privata Corin Curschellas
audio
Flowers Of Friendship
ord RTR Audio dals 22.09.2016.
laschar ir. Durada: 6 minutas 6 Secundas.

Cun Nguyên Lê, Richard Bona, Linley Marthe und Steve Argüelles furma Corin Curschellas dal 1991 – 1995 la furmaziun “Hendrix Project: Are You Experienced?”. Lur concerts als mainan per l’Europa enturn, mo era en l’Africa dal nord, l’Africa dal sid e sin l’insla La Réunion.

Purtret da la gruppa Hendrix Project cun Corin Curschellas
Legenda: Hendrix Project il 1994 Collecziun privata Corin Curschellas

Sco chantadura en las pli diversas furmaziuns ha Corin Curschellas gudagnà las cordas. Temp da sa concentrar pli fitg sin las atgnas chanzuns e da publitgar l’emprim album da solo...

video
SVIZRA RUMANTSCHA 01-09-1991
Or da RTR dals 01.09.1991.
laschar ir. Durada: 3 minutas 31 Secundas.

Artitgels legids il pli savens