Siglir tar il cuntegn

Header

video
Sebalter chanta rumantsch
Or da RTR dals 11.05.2017.
laschar ir. Durada: 2 minutas 47 Secundas.
cuntegn

Live tar RTR Sebalter: Il chatschader da las stailas

Cun sia chanzun «Hunter of Stars» è il chantadur tessinais ì il 2014 a la chatscha da puncts per la Svizra a l'Eurovision Song Contest. Trais onns pli tard va Sebalter danovamain a chatscha – la finamira: Conquistar cun ina versiun rumantscha da «Hunter of Stars» las stailas rumantschas.

Il 2014 ha il giuven tessinais Sebastiano Paulessi represchentà sco Sebalter la Svizra al ESC a Kopenhagen en il Danemarc. E quai cun tant success sco paucs avant el. En il final è el vegnì 13avel cun 64 puncts, quai ch’è stà dapi bunamain diesch onns il meglier resultat. Dapi il 1980 han be 8 represchentants svizzers fatg in meglier resultat al concours.

Ina giada udir tuns rumantschs en il connex cun l’Eurovision Song Contest, quai fiss bain ina giada insatge bel. La finala èn ils davos resuns rumantschs dal 1989. Lura avevan ils Furbaz astgà represchentar la Svizra cun «Viver senza tei» - e remartgabel: Era els eran vegnids 13avels!

Sfurzar na pon ins nagut, dentant gidar sasez. Perquai avain nus envidà Sebalter en il studio da RTR ed avain registrà ina nova versiun da sia chanzun da success – ina versiun rumantscha.

Artitgels legids il pli savens