Siglir tar il cuntegn

Header

audio
Intervista cun Me&Marie
Or da Actualitad dals 12.12.2015.
laschar ir. Durada: 2 minutas 26 Secundas.
cuntegn

Festivals Me & Marie gudognan Suns Europe

Success internaziunal per musica rumantscha: suenter lur victoria al festival da musica da linguas minoritaras Suns en Sardegna ha la furmaziun «Me & Marie» era gudagnà il final dal Suns Europe ad Udine.

SUNS

Avrir la box Serrar la box

Il festival da la chanzun en linguas minoritaras SUNS è in eveniment che vul far la punt tranter las differentas minoritads da l’Europa. Il festival ha gì premiera il 2009 ad Udine, il 2011è el lura stà en terra rumantscha, a Falera. L’eveniment final è ils 11 da december puspè ad Udine, lura cun minoritads da tut l’Europa.

10 furmaziuns da minoritads da l’Irlanda, la Russia, la Svezia, la Spagna e da l’Italia eran sa participadas. Avant 1’200 aspectaturas ed aspectaturs han persvadì ils musicists e chantadurs Roland Vögtli, Maria Moling e Tom Wörndl il meglier la giuria cun lur chanzun rumantscha.

Il premi per l’emprim plaz al Suns Europe è in envid per in concert ad in festival da musica en Russia il 2016.

Roland Vögtli e Maria Moling chantan rumantsch, ladin ed englais. Il chantautur rumantsch è dentant persvas che musicists da linguatgs minoritars pon avair success cun chantar en lur linguatg mamma.

audio
Tadlar l'intervista da Jachen Prevost cun Me&Marie dals 12.12.2015
ord Musica dals 14.12.2015.
laschar ir. Durada: 4 minutas 2 Secundas.

Tgi è tut da la partida

Da la partida èn lura sper rumantschs, sards, occitans, furlans e ladins er ils bascs, bretons, ils sams ed ina gruppa da la Galizia. E sper la musica datti er in focus spezial sin litteratura, film ed art.

Las bands:

Furmaziuns rumantschas che han participà a SUNS:

  • 2009 : Ursina
  • 2010 : Pascal Gamboni
  • 2011 : Cha da fö
  • 2012 : nagina participaziun rumantscha
  • 2013 : Tawnee
  • 2014 : Pascal Gamboni
  • 2015 : Me & Marie

Artitgels legids il pli savens