Siglir tar il cuntegn

Header

video
Impressiuns da la festa
Or da Actualitad dals 31.05.2015.
laschar ir. Durada: 1 minuta 50 Secundas.
cuntegn

Festas da musica 2015 - Festa da musica districtuala a Sursaissa

La 20avla festa da musica districtuala da la Surselva è stada a Sursaissa. 14 musicas dal district e 3 musicas ospitantas èn sa mesiradas.

A la «20avla Fiasta da musica dalla Surselva» dals 30-05-2015 a Sursaissa/Obersaxen han 17 furmaziuns (14 dal district e trais estras: Vétroz, Küsnacht, Untervaz) sunà en 4 categorias da difficultad ed en la categoria libra. Las musicas indigenas èn sa mesiradas sco suonda: 2. classa: Falera, Sagogn, Vignogn; 3. classa: Breil/Dardin, Flem, Mustér, Sedrun, Trun; 4. classa: Lumbrein, Sumvitg/Cumpadials, Vals; classa libra: Danis/Tavanasa, Safien, Vrin. En trais Artgs musicals porta RTR tocs da patg da questa festa da musica sursilvana da giubileum.

Ils organisaturs èn cuntents cun il decurs da la festa. Tut haja funcziunà sco planisà. Era cun il dumber d’aspectaturs èn ins fitg cuntent, ha il president dal comité d’organisaziun Ernst Sax ditg. En tut quinta el che var 1500 aspectaturs sajan stads a la festa.

Artitgels legids il pli savens