Intginas infurmaziuns tar la messa en c-mol da Mozart
La messa en c-mol ha Wolfgang Amadeus Mozart cumenzà a scriver l’onn 1782. Igl è ina da las total 18 messas che Mozart ha cumponì. Entant ch’el ha cumponì la gronda part da quellas ovras sin incumbensa dals archuvestgs da Salzburg, ha el scrit questa messa senza incumbensa. La messa en c-mol vala sco in’ovra monumentala. Mozart ha dentant mai cumponì a fin l’ovra. Grondas parts dal “Credo” sco era l’entir “Agnus Dei” n’ha el betg cumponì a fin. Pertge ch’el ha mai finì la messa na san ins oz betg. Las notas originalas da la messa che Mozart a scrit èn en la biblioteca statala da Berlin.