Ils producents da charn, batgeras e cuschiniers emprovan perquai da sensibilisar puspè consumentas e consuments per products indigens e spezialitads che èn vegnidas ord moda. Quai cun la finamira da duvrar l'animal sche pussaivel dal nas enfin a la cua.
La Marella sa metta ensemen cun batgeras, purs e gastronoms ma era cun persunas che enconuschan las tradiziuns d'antruras ed en autras culturas culinaricas, als fastizs da l'elavuraziun e noss consum da charn.
Questa Marella è ina repetiziun dal favrer 2021.
