Tibas tutgavan ina giada tar pasters e persunal d’alp. Ellas ademplivan differentas funcziuns: trametter signals dad alp tar alp u giuaden en la val, clamar la muntanera, scungirar pussanzas nauschas u rugar per benedicziun. Dasperas devi era concurrenzas en sunar il meglier la tiba. Schizunt cumponists da musica classica èn sa laschads fascinar dal tun ed han integrà motivs da tiba en lur ovras. La tibas grischunas sa distinguan da quellas pli enconuschentas svizras essend stendidas gulivamain e pli curtas. Ellas pon esser da lain u da metal. En bleras poesias rumantschas appartegn la tiba tar la scenaria alpestra idillica. L’emissiun porscha insaquants insatgs da tibas ad ina e pliras vuschs ord la Svizra tudestga e romanda.
Redacziun: Alfons Maissen
Radioscola 27-10-1975
Numer d’archiv: 2166