L’emissiun sclerescha la situaziun e la rolla da la Svizra sco pitschen stadi neutral visavi l’evoluziun tar ils vischins gronds. Ils onns 30 chaschunan confruntaziuns tranter aderents militants da sanestra sco da dretga agitaziun e tensiuns era en Svizra. Il temp da la Segunda Guerra mundiala porta alura in clima da malsegirtad areguard in’eventuala attatga, il grad da preparaziun militar e las capacitads da provediment alimentar ed energetic. Cumpromiss delicats envers la Germania l’emprim ed envers ils Alliads pli tard vegnan nunevitabels, quai oravant tut areguard il commerzi cun bains essenzials ed in tschert traffic nord-sid sin binari ed en l’aria. Ina gronda sfida muntan era ils fugitivs ch’arrivan als cunfins svizzers. Enavos en l’atmosfera dal temp mainan nus las vuschs da Philipp Etter, Henri Guisan e Traugott Wahlen.
Participants: Alfons Maissen, Sep Item
Redacziun: Risch Cadonau, Giaronas Cadonau
Radioscola 14-6-1975
Numer d’archiv: 2161
(Per raschuns da dretg d’auturs è l’emissiun d’udir senza las parts musicalas.)